Amigosarnir

2008-02-07T19:05:00.001Z

Skellti inn nokkrum myndum...reyndi að finna myndir af öllum en það lítur út fyrir það að ég eigi eiginlega bara myndir af sama fólkinu (mest af Evu og Hemma). Hér eru samt nokkrar...

Íbbi og Binni (á ótrúlega fáar myndir af Brynjari)

Stína prinsessa á gay pride ballinu

Geggja á Mallorca

Andri í heitum dansi við lyklaborðið á Stokkseyri

Handboltahetjurnar Anna og Eva

Hemmi og Stína á djamminu í bænum

Geggja, Eva og Anna María í sveittum dansi á Mallorca

Eva með ógeðisgrænan drykk sem var svo bara bragðgóður minnir mig

Gajol Andri eftir stúdentsprófin

Anna María á leið á busaballið

Hemmi og Andri í gír úti í Króó

Svo verð ég að vera duglegri að taka myndir af þeim sem ég á ekki nógu margar af og þið að vera duglegri að sitja fyrir hjá mér :)

Kv Anna María

Friends

2008-01-24T23:45:00.001Z

Endilega verið dugleg að pósta fleiri góðum og gleðilegum myndum

Utanlandsferð?

2008-01-08T21:48:00.000Z

Hvernig væri að skipuleggja utanlandsferð til Sundsvall í Svíþjóð?

Gleðileg jól

2007-12-23T18:17:00.000Z

Gleðileg jól öll!!!

Kveðja Anna María

Miðsvetrarpróf …

2007-11-26T15:39:00.000Z

Er ekki alveg kominn tími á þetta?

Setjið prófin ykkar hér inn á listann:

26.nóvember mánudagur: Stjórnskipunarréttur (Eva Margrét)
30.nóvember föstudagur: Tilraunadýr og vísindarannsóknir (Anna María)
1. desember laugardagur: Kröfuréttur (Eva Margrét) Eva verður 22 ára, Begga verður 52 ára og Foxy og Snati verða 5 ára!!
2. desember sunnudagur:
3. desember mánudagur:
4. desember þriðjudagur:
5. desember miðvikudagur: Næring og heilsa (Andri), Medical Psychology (Stína), Biostatistics (Stína)
6. desember fimmtudagur:Bókhald og greining ársreikninga (Eva Margrét)
7. desember föstudagur:
8. desember laugardagur:
9. desember sunnudagur:
10. desember mánudagur:Aðferðafræði, munnleg (Eva Margrét)
11. desember þriðjudagur: Inngangur að málfræði (Kári) Os trigonum verður fjarlægt (Eva Margrét)
12. desember miðvikudagur: Mál- og tegurfræði (Kári)
13. desember fimmtudagur: Mannerfðafræði (Anna María), Aðferðir og vinnubrögð (Kári)
14. desember föstudagur: Teknisk økonomi
15. desember laugardagur: Næringarfræði I (Anna María), Fluid Mechanics
16. desember sunnudagur:
17. desember mánudagur:
18. desember þriðjudagur: Reguleringsteknik (Brynjar), Bioinorganic Chemistry (Stína)
19. desember miðvikudagur: Tvinnfallagreining I (Kári), Medical English (Stína)
20. desember fimmtudagur: Mennesket og de fysiske omgivelser (Brynjar), HEIMKOMA (STÍNA)
21. desember föstudagur:Heimkoma (Brynjar)

23. janúar miðvikudagur: Biophysics (Stína)
24. janúar fimmtudagur: Medical Chemistry (Stína)

… og svo strikum við út dagana þegar þeir klárast …

Hæ

2007-11-09T21:15:00.000Z

Hvað segiði gott núna?

E.s.
Bannað að segja e-ð vont (núna)!

What does your name mean?

2007-09-19T19:24:00.000Z

A : You like to drink.
B : You like people.
C : You are really silly.
D : You like to drink.
E : awesome kisser.
F : You are dead sexy.
G : You never let people tell you what to do.
H : You have a very good personality and good looks.
I : You are great in bed.
J : People Adore You
K : You're wild and crazy.
L : You like to drink
M : best kisser ever.
N: You like to drink.
O: Easy to fall in love with
P : You are popular with all types of people.
Q : You are a hypocrite.
R : Easy to fall in love with.
S : Fuckin crazy.
T : Easy to fall in love with.
U : You really like to chill.
V : You are not judgemental.
W : You are very broad minded.
X : You like to drink
Y : Best g/f b/f anyone could ever ask for.
Z : Always ready

DO IT FOR YOURS!

Myndasíða

2007-09-03T10:48:00.000Z

www.imageevent.com/evamagga8

Setjið ykkur í samband við mig til að fá lykilorðið:)
knús og kossar
Eva Margrét

Þjóðhátíð afstaðin

2007-08-10T13:20:00.001Z

Mikið var endalaust gaman...ákvað að skella fáeinum myndum hérna inn...annars eru allar mínar myndir komnar á síðuna mína.... http://public.fotki.com/marianna349/

Óli og Hemmi í góðum gír á dansgólfinu!

Var alltaf að reyna að taka myndir af öllum saman í brekkunni...tókst ekki, alltaf einhver sem var í símanum eða horfa e-ð annað :)

Þjóðhátíðardýrið - mikið var hún ótrúlega hress!!

Sveitamaðurinn!

Takk fyrir helgina...

Eyjar 2007

2007-07-28T17:21:00.001Z

Djöfull hlakka ég til!

Góða skemmtun á morgun!!!

2007-07-13T09:37:00.000Z

Yassas!
Stungin af í aðra ferð sumarsins og næstlengstu flugferðina eða 6 og hálfan tíma en það ætti nú ekki að vera mikið mál eftir 11 tíma flugið til Bangkok. Ég er líka búin að læra af reynslunni og fjárfesta í þessum svaka góða púða og svona dóti fyrir augun og svo yatsí og ferða-monopoly!!
Skemmtið ykkur vel í partýinu á morgun og ekki gleyma að hugsa til mín, ég verð með ykkur í anda.
En Við sjáumst eftir 2 vikur og þá á Þjóðhátíð!! Mikið ógeðslega hlakka ég brjálað til!!

(gróf upp þessar hressu myndir af mér frá því í fyrra til að koma ykkur í gírinn)

Adio!

Næsta laugardag

2007-07-09T17:44:00.000Z

Næsta laugardag verður Granollers reunion hjá Evu. Við erum semsagt að tala bara um fyrri ferðina held ég. Ákvað að auglýsa þetta hérna þar sem Eva er ekki að standa sig í auglýsingaherferðinni

Það verður semsagt tryllt stemming

Tenerife ferðin ógurlega

2007-06-28T11:54:00.000Z

Þið eruð eflaust búin að kíkja á þetta en ef ekki þá er það möst.

Guðjón

2007-06-20T16:26:00.000Z

Andri, Anna María og aðrir áhugamenn um, hinn feikivinsæla brandarasafnara og grunnskólakennara, Guðjón Inga Eiríksson ættu að hafa augun opin við lestur Blaðsins á morgun.
---
Uppfært:

Ég er bjartsýnn á að Andri hafi tök á því að lesa Blaðið en hér kemur þetta:

Myndatexti: Kaupmannahöfn: Íslenskum ferðamanni var ógnað með leikfangabyssu.

Íslenskur ferðamaður í Kaupmannahöfn:
Horfði ofan í byssuhlaup
Guðjón Ingi Eiríksson, íslenskur ferðamaður í Kaupmannahöfn, var í anddyri hótels skammt frá miðborg Kaupmannahafnar í fyrrakvöld þegar þjóf, vopnaðan leikfangabyssu, bar að garði.
„Ég hrekk upp við að æpt er á starfsmann hótelsins,“ segir Guðjón en áður en hann vissi af horfði hann ofan í skammbyssuhlaup og honum skipað að leggjast á gólfið.
Aðspurður segist Guðjón ekki hafa verið hræddur um líf sitt. „Þetta gerðist svo hratt að maður spáði ekkert í það,“ segir hann en bætir við að þó byssan hafi verið fullóraunveruleg þá hafi hann ekki viljað taka neina sénsa. Hann segir starfsmanninn hafa náð þjófnum fyrir utan hótelið þar sem hann var að stíga upp á reiðhjól. „Hann sagði mér eftir á að hann hafi gert þetta í algjöru hugsunarleysi en hann vissi þá ekki að um leikfangabyssu væri að ræða.“

Ævintýrið

2007-06-15T14:18:00.000Z

Tæland – Stiklað á stóru

Ævintýraförin til Tælands hófst í Kaupmannahöfn þar sem var verslað pínu í H&M og fleiri skemmtilegum búðum. Hitti Arndísi mússíkrúsluna mína og fórum á smá pöbbarölt og ég sýndi henni besta satðinn í bænum, Streckers, þar sem fallegi Tyrkinn syngur öll föstudagskvöld. Var einmitt að heyra það að hann sé mjög vinsæll hjá íslensku kvenfólki og hefur sængað hjá þeim þónokkrum! Næsta dag röltum við um borgina yndislegu, fengum okkur bakkesli og bjór og nutum veðurblíðunnar. Heimskóknin endaði svo á Tivoli, þar sem ég varð vitni að Arndísi og Grétari verða að sönnum Kaupmannarhafnarbúum, því þau keyptu sér árskort í Tivoli. Ég og Grétar gerðumst það djörf að fara í fallturninn sem ég verð nú að segja að sé mun verri í minningunni en í alvörunni. Eftir fallega flugeldasýningu fórum við heim í ból, því ég þurfti að vakna nokkuð snemma og drífa mig á flugvöllinn.

Flugið til Bangkok var rosa flott, fyrirtaks þjónusta og stór og góð sæti og skemmtilegt sjónvarpsefni alla 11 klst en gekk ekki átakalaust fyrir sig! Ég var búin að hlakka til að geta farið að sofa bara í 8-10 klst.....en nei! Fyrir framan mig var lítið barn sem grét stanslaust og aftan mig pjakkur sem gat ekki hætt að sparka í bakið á sætinu mínu þó ég margbæði hann um að hætta og pabba hans! URG! Ég var sem sagt mjög syfjuð alla leiðina en gat ekki sofnað! Pirr pirr! En svo komum við til Bangkok og tókum strax klst flug til borgar í norður Tælandi sem heitir Chiang Mai. Þegar þangað var komið á lúxus 4 stjörnu hótel með afbrags þjónustu var farið beint í hand- og fótsnyrtingu og afslöppun. Enda nudd-og snyrtistofur á hverju horni og verðið er hlægilega lítið! Það var soldið skrítið og erfitt að venjast því hvað allt var samt frekar skítugt og druslulegt (auðvitað ekki á hótelinu) í borginni og hvað fólkið var tilbúið til að gera ALLT fyrir mann. Þau eru rosalega undigefin og maður veit halfpartinn ekki hvernig maður á að bregðast við því. Maður finnur líka rosalega fyrir því að maður sé hvítur og ríkur! Við erum á allt öðru plani en þetta fólk! Þau borða og sofa á gólfunum í búðunum sínum og hundar og kettir ganga laus og eru voða drusluleg. Fyrsti dagurinn var frekar erfiður hvað þetta varðar, mér leið hálfóþæginlega. Örugglega vottur af smá menningarsjokki! Bjóst ekki við að sjá svona mikinn mun. Vissi að þetta myndi verða öðruvísi en ekki að þetta væri svona mikið þróunarland. Okkur var svo sagt að það væri mikil uppbygging í gangi í landinu og kóngurinn, sem by the way, eru myndir út um allt af, leggur mikla áherslu á það, enda er hann dyrkaður þarna eins og guð! Á mánudögum klæðast allir gulu, því kóngurinn fæddist á mánudegi og það er dagur guls litar og það að klæðast gulu er honum til heiðurs.
Næsta dag keyrðum við út fyrir borgina til að fara að hitta fílana. Það var snild! Þetta eru rosa flottar og stórar skepnur og gaman að sjá hvað þeir geta gert mikið. Það var haldin smá sýning fyrir okkur þar sem fílarnir gerðu ýmsar kúnstir og fóru í fótbolta og máluðu myndir sem voru rosa flottar! Því næst fórum við í fílareið! Það var einstakt! Alveg rosalega gaman! Algjört must að gera það allavegana einu sinni á ævinni! Ég mun alveg pottþétt gera það aftur!
Næstu daga vorum við bara e-ð að ferðast um svæðið þarna í kringum Chiang Mai og skoða e-a grasagarða og konungsverkefni og e-ð. Voða lítið að segja frá því.

Því næst fórum við í þjóðgarð, Doi Inthanon, þarna í norður Tælandi eða hitabeltisregnskóg þar sem við áttum eftir að vera í 4 daga og 3 nætur! Húsin sem við gistum í voru sem betur fer ekki inni í miðjum skóginum en þau voru nú nógu ógirnileg samt! Pöddur út um allt og rifur og glufur í gólfinu, gluggunum og þakinu. Ég eyddi fyrsta kvöldinu þarna í að teypa fyrir allar glufur sem ég fann til að verða ekki étin á næturnar! Rúmin voru hörð sem grjót og það þurfti að hreinsa þau vel áður en lagts var í þau. Sturtan var nú ágæt fyrir utan allar pöddurnar sem voru alltaf með manni í baði. Og ótrúlegt en satt var venjulegt klósett sem hægt var að sturta niður og það mátti setja klósettpappírinn ofan í klósettið. Næstu dagana fórum við sem sagt í langar gönguferðir frá morgni til kvölds inni í skóginn og upp á hæsta tind Tælands, sem er mun hærri en hæsti tindur Íslands. Þá fórum við einnig að skoða hrísgrjónaræktir og kaffiræktir og fleiri ræktir og svo fórum við líka í fjallaþorp þar sem allt var mjög frumlegt! Það var æðislegt að sjá það! Eitt af því sem stendur hæst upp úr! Sjá hvernig fólkið lifir, alveg ótrúlega frumlegt! Svín og beljur á beit í görðunum og berrasaðir sætir krakkar út um allt, munkar hér og þar og húsin mjög fátækleg! Einstaka hús voru rosa skrautleg og fín og voru það þá búddahús. Myndavélin mín stóð því miður e-ð á sér þennan dag og ég því með engar myndir, en mun redda mér þeim fljótlega frá öðrum.
Einn daginn þarna í skóginum lentum við svo í svakalegri hitabeltisrigningu! Það var eins og væri sturtað úr fötu!! Það var rosalegt! Sem betur fer varði það nú ekki nema í ca klst.

Þá var ferðinni heitið til sódómu Bangkok! Þvílík subbu og sóðaborg! Hún er ógeð! Við reyndum að vera bara sem mest á hótelinu því mengunin og sóðaskapurinn úti er ekki mönnum bjóðandi. Við heimsóttum háskólann í Bangkok og sumarhöll konungsins og musteri þar í kring. Það var mjög flott...allt úr skíragulli og skraut og svona í hámarki! Allt mjög öfgafullt!

Síðan lá leið til eyju sem heiti Koh Samet og er pínulítil eyja í Gulf of Thailand. En fyrst komum við við í leiruviðarskógi, sem er skógur sem vex á árósum, sem sagt í mjög blautum jarðvegi sem er í raun bara leðja og drulla. Þarna sáum við sjóinn í fyrsta skiptið í meira en viku og það var ótrúlega skrítið hvað það var ótrúlega góð tilfinning að sjá hann og alla víðáttuna sem honum fylgir.
Eftir skógarferðina fórum við með ferju yfir til Koh Samet, sem var algjör paradís. Þar fengum við líka loksin ætan mat. Grillað sjávarfang og engin ógeðslega sterk krydd. Ég var bara búin að lifa á hrísgrjónum og mandarínum hingað til. Við komum að kvöldlagi og misstum okkur í að fara út í HEITANN sjóinn. Hann var án gríns heitur! Ekki volgur, heldur heitur! Síðan vaknaði ég voða snemma og gat einfaldlega ekki sofnað aftur, ég kíkti út um gluggan og sá þá þessa paradís betur, ég stóðst ekki mátið og fór ein út á strönd! Þetta var ólýsanlegt, að vera alein á ströndinni í smátíma...svo komu nokkrar tælenskar stelpur og vildu endilega mynda mig á ströndinni. Þetta var alveg ekta staður og ekta móment til að vera ein með kærastanum sínum á. Við fórum svo í siglingar um svæðið í kring og snorkluðum frá okkur allt vit, enda mikið að sjá í þessum ótrúlega tæra sjó. Nóg af kórölum og skrítnum fiskum og öðrum sjávardýrum.

Næst fórum við aftur til Bangkok í 2 daga þar sem við fórum í alls kyns skoðunarferðir í gömul musteri og rústir og fórum í siglingu niður á sem liggur í gegnum borgina. Seinasta kvöldið var hátiðarkvöldverður og skemmtiatriði og eftir það hættum við okkur útaf hótelinu og á einhvern bar í borginni! Það er mjög spes að labba um Bangkok upp á strýluð, ljóshærð stelpa um nótt! Það er GLÁPT á mann og fólk var MJÖG ágengt, það er ekki þæginlegt! Það var mikið verið að bjóða manni á Ping Pong show og fleira í þeim dúr! En ef þið vitið ekki hvað það er þá fer það þannig fram að konur setja ping pong bolta inn í leggöngin á sér og spýta þeim út! Rosa spennandi ekki satt! Þá gera þær víst fleira með þessum velþjálfuðu grindarbotnsvöðvum sínum, eins og að slökkva á kertum, blása í lúðra og ég veit ekki hvað og hvað. Nokkrir krakkarnir fóru á svona og sögðu að þetta væri ógeðslegt en samt alveg hrikalega fyndið! Því miður dó myndavélin mín þegar við komum til Bangkok og ég komst ekki í raftækja mollið til að kaupa nýja fyrr en daginn sem við fórum frá borginni.
Næsta dag tók við smá panik! Við áttum að tékka okkur út af hótelinu um hádegi og við vorum ekki búin að finna stað til að vera á næstu 10 daga! Það reddaðist nú samt á ca klst. Við fórum á netkaffi og bókuðum flug og hótel á stað sem heitir Krabi og stutt frá Phuket í Suður Tælandi en er ekki eins mikill ferðamannastaður en samt nóg að gera fyrir ofvirka Íslendinga. Við vorum næstum ein á hótelinu enda algjört low season þarna núna.

Á Krabi var yndislegt! 5 stjörnu hótelið stóð alveg undir sínu með 2 sundlaugagarða og bar ofaní einni sundlauginni og ég veit ekki hvað og hvað, ströndinn var eitt skref í burtu og á henni voru apakettir sem við fórum nokkrum sinnum að gefa að borða. Þá leigðum við okkur hraðbáta einn daginn og fórum í siglingu í kringum eyjarnar sem voru þarna fyrir utan, Koh Phi Phi! Það var líka eitt af því sem stóð upp úr ferðinni! Þetta var svo rosalega fallegt! Við snorkluðum og snorkluðum og það var frábært að synda með marglitum fiskum allt í kringum sig, algjört æði! Þá fórum við einnig á eyju sem er víst eyjan sem the Beach var tekinn upp á! Hún var líka svona ideal paradís! Þetta var einn besti dagurinn!
Restin af fríinu var nýtt í leti á sundlaugabakkanum og á ströndinni, borðað góðan mat og látið sólina aðeins skína á sig...það var samt ekki hægt að gera það eins mikið og á ströndunum hérna í Evrópu, sólin var stingandi sterk! Hrikalegt! Þá var líka tekið hörkudjamm einstaka sinnum!

Eftir mánuð í þessu framandi landi var gott að hugsa til þess að vera á leiðinni heim, ég hefði samt alveg getað verið miklu lengur þarna enda rosalega margt sem hægt er að skoða og njóta. Hefði viljað að Óli hefði verið með mér, hefði kannski notið þess betur! Ekki það að ég naut þess ekki í tætlur, en þegar maður er á svona einstökum stað sem maður veit að mun verða fast í minni manns að eilífu, vill maður njóta þess með þeim sem manni þykir vænst um!

Ég mæli EINDREGIÐ með því að fara í ferð til Tælands! Þetta er snilldarland! En ég fékk líka að sjá margar hliðar á því, ekki bara ströndinna og ferðamannaiðnaðinn, heldur einnig daglegt líf fólks, fátækt og uppbyggingu í landinu, stórkostlega náttúru jafnt á landi og í sjó og margt fleira. Þegar maður er í svona framandi landi í svona langan tíma fer maður líka að hætta að kippa sér upp við hlutina sem maður sér en eru samt mjög framandi, ég held ég nái því aldrei að lýsa því sem ég upplifði og sá í þessari ferð. Þetta er bara eitthvað sem allir verða að gera, að fara til svona framandi lands, sem er enn svona óspillt!

Kveðja
Anna María

2007-06-11T15:04:00.000Z

Á sumrin eru allir í stuði. Á sumrin vinnum við unga fólkið og fáum borgað fyrir það. Okkur dettur ekki í hug að hafa áhyggjur af vinnunni utan vinnutímans. Stína vinnur einmitt á … uuu … og Eva á, ja, örugglega svipuðum slóðum? Hemmi er í þarnaaa, sem hentar honum líklega mjög vel og Gerður getur ekki beðið eftir að komast í vinnuna sína. Anna María fór til Tælands og vinnur líklega ekki þar, en hún lætur hendur standa fram úr ermum í vinnunni sinni þegar hún kemur til baka. Brynjar er í góðri vaktavinnu með föllnu englunum og Andri … Þorsteinn er í þremur vinnum í sumar, síðast þegar ég taldi en ég læt mér nægja að prófarkalesa Blaðið í sumar og færi mig jafnvel yfir á Moggann í ágúst.

Þá er það komið á hreint.

Nokkrar skemmtilegar staðreyndir

2007-05-23T01:42:00.000Z

Kynlíf skiptir ekki öllu máli í sambandi en hins vegar er það oftar en ekki límið sem heldur fólki saman og meira en helmingur langtímasambanda (sjötíu og e-ð prósent) þar sem kynlíf er ekki hluti af sambandinu fer í súginn.

Ef að stelpa vill ekki njóta kynlífs með þér og notar hausverkjaafsökunina þá skalt þú benda henni á að við fullnægingu framleiðir heilinn endorfín sem er mjög öflugt verkjalyf og auk þess losar kynlíf um spennur sem hindra eðlilegt blóðflæði um heilann.

Kynlíf er "fegrunaraðgerð" fyrir konur en við kynlíf verður til hormón sem lætur hárið glansa og skinnið verða mýkra.

72% (breskra) kvenna fíla "bláar-myndir" en þær þora yfirleitt aldrei að viðurkenna það (ég þori að veðja að hlutfallið sé enn hærra á Íslandi).

Þeir karlmenn sem fá fullnægingu þrisvar í viku eða oftar eru 50% ólíklegri til að deyja vegna hjartaáfalls.

Kynlíf er öruggasta róandi lyf í heimi og það er 10 sinnum meira róandi en valíum

Kossar koma í veg fyrir að þið þurfið að fara jafn oft til tannlæknis því munnvatnið hreinsar burt óhreinindi og matarleifar í tönnunum.

Kynlíf er góð leið til að berjast við stíflað nef, háan hita og asma.

I'm leaving on a jetplane.........

2007-05-17T22:31:00.000Z

...........beint í hitabeltið hinum megin á hnettum

En fyrst er smá stopp hérna:

svo er það bara 12 klst flug til Bangkok....

en við sjáumst þá bara eftir mánuð

Lar korn khrap

(bless)

Anna María

Fróðleikur dagsins

2007-05-14T13:07:00.000Z

Hamingjan kemur að innan.

Þetta er gott að vita ef þið skylduð vera að leita annars staðar.

Próflokadjamm

2007-05-08T21:53:00.000Z

Jæja, nú styttist allsvakalega í að maður klári prófin....!
Hver er búinn á laugardaginn? Ég klára nebblega á laugardaginn en hef ekkert að gera og langar mikið að gera e-ð skemmtilegt þar sem það verður síðasta djammið áður en ég fer í mánuð til Tælands...!!
Ég er til í hvað sem er!!alveg sérstaklega dans og luftgítar

Let me know!

Sooo smooth

2007-05-04T14:21:00.000Z

Hvaða stelpur fíla þetta ekki?

you had me at 'i'm so ice cold...'

Mér finnst þetta svo fyndið svo ef þið hafið tíma þá eru mörg mjög skemmtileg myndbönd frá þessum strákum. Ég mæli þá helst með 'so uncalled for' og 'mother's day'. Góða skemmtun.

Skot og mark

2007-05-02T23:23:00.000Z

Benjamín, Katrín, Eiríkur, Sesar, Róbert, Hr. Róbinson o.fl. Hverjir muna ekki eftir þessum ógleymalegu nöfnum sem glöddu þá sem höfðu Stöð 2 fyrir allnokkrum árum síðan. Þessir þættir hétu Skot og mark og voru sýndir á laugardögum í kringum hálf ellefu á morgnanna.

Ógleymanlegt atvik í landskeppninni á Ítalíu þegar Sesar krumpar gosflöskuna. Líka þegar Benjamín skorar úrslitamarkið í úrslitaleiknum með arnarskotinu. Það var svo fast að það kom gat á netið og boltinn myndaði svart far á vegginn aftan við markið. Annað atriði þegar Sesar eða einhver annar skaut svo fast að marki okkar manns. Skotið var það fast að markmaðurinn sem varði það, hélt ekki boltann, heldur rann aftur á bak með boltann á milli handanna. Þá komu nokkrir liðsfélagar og ýttu á bakið á markmanninum þannig að hann myndi ekki renna með boltann inn í markið.

Góð frönsk síða með nokkrum þáttum!!

http://www.dailymotion.com/videos/relevance/search/Moero!+Top+Striker/1

Gimpin

2007-04-28T13:13:00.000Z

Jæja, maí nálgast og þá fer að bera meira á kynjaverum sem láta sjá sig tvisvar á ári, íþróttagallagimpin. Þau ganga um helztu bókasöfn bæjarins, annaðhvort á sokkunum eða í inniskóm, og í brjálæðislega „þægilegum“ fötum. Og af hverju ganga þau um? Nú, þau eru að fara á klósettið að fylla vatn á gosflöskurnar sínar. Ef gimpið er kvenkyns er alger undantekning ef hún hefur fyrir því að mála sig í framan.

Þegar betur er að gáð kemur í ljós að þessi gimp eru alls ekki eins framandi halda mætti við fyrstu sýn. Já, það kemur í ljós að þetta eru vinir manns og kunningjar, fólk sem er fullkomlega venjulegt í janúar, febrúar, marz, júní, júlí, ágúst, september, október og nóvember. Þau umturnast bara í kringum próf! Og til eru dæmi þess að bera fari á þessu tveim vikum fyrir próf (sjá athugasemdir við sítt að aftan-færslu hér fyrir neðan). Þótt manni finnist þetta fólk ókunnugt verður ekki komizt hjá því að krefjast svara: „Hvað hefur komið fyrir þig?“ Svörin eru oftast á þá leið að þetta sé svo þægilegt og að ekki sé hægt að komast í gegnum próf án þess að haga sér svona.

a) Ef þetta er svona þægilegt, af hverju ekki að vera svona alltaf?
b) Ómáluð stelpa í tvær vikur skemmir fyrir hálfs árs vinnu hennar að mála sig á hverjum degi.
c) Gimpin ættu að hætta þessu helvítis bulli um að vorpróf séu rosaleg þrekraun! Og hvað, munu einhverjar þægilegar buxur koma þeim yfir erfiðasta hjallann? Eða eru fötin og málningarleysið leið til að fá aðra til að halla undir flatt og hugsa „æ, þessi er að ganga í gegnum enn eina prófatörnina, bezt að vorkenna svolítið“?

Þegar ég sé svona jogginggimp hugsa ég: „hvílíkt gimp!“

Já, þau fá mig til að nota svo til útdautt slangur.

þessi tími kominn einu sinni enn...

2007-04-21T14:14:00.000Z

Er ekki komið að þessari blessuðu prófatörn aftur....?

23. apríl -Mánudagur
24. apríl - þriðjudagur
25. apríl - miðvikudagur
26. apríl - fimmtudagur
27. apríl - föstudagur
28. apríl - laugardagur
29. apríl - sunnudagur
30. apríl - mánudagur: Framleiðsluferli (Brynjar), Íslensk beygingar- og orðmyndunarfræði (Kári)
1. maí - þriðjudagur: Anna Úrsúla 22 ára!
2. maí - miðvikudagur: Þróunarfræði (Anna María)
3. maí - fimmtudagur: Sveiflufræði (Brynjar)
4. maí - föstudagur Algebra II (Kári)
5. maí - laugardagur
6. maí - sunnudagur
7. maí - mánudagur: Varmafræði (Brynjar), Stærðfræðigreining IIA (Kári)
8. maí - þriðjudagur
9. maí - miðvikudagur
10. maí - fimmtudagur
11. maí - föstudagur: Þroskunarfræði (Anna María), Vélhlutafræði (Brynjar)
12. maí - laugardagur: Ónæmisfræði (Anna María), Netafræði (Kári)
13. maí - sunnudagur
14. maí - mánudagur
15. maí - þriðjudagur Töluleg greining (Brynjar)
16. maí - miðvikudagur
17. maí - fimmtudagur
18. maí - föstudagur: Anna María til Köben
19. maí - laugardagur
20. maí - sunnudagur: Anna María til Bangkok!

Setjið ykkar próf hér inn og við komumst í gegnum þetta saman eins og alltaf!!!

Hve svöl er þessi mynd???

2007-04-18T14:18:00.000Z

Það eru ekki margir aðrir en Anna Úrsúla sem að púlla að vera í fínum kjól á HSÍ hófinu með blóðugt hægra hauga en samt lúkka FAB;) he he good times, good times

skemmtileg orðanotkun í þessari færslu...finnst ykkur ekki??

Þó að það séu próf...

2007-04-15T02:47:00.000Z

...þá er óþarfi að vera svona við lok þeirra

Gleðilegan VOTUR!!!

2007-04-12T19:15:00.000Z

já, fimmta árstíðin er gengin í garð!! VOTUR....millistig VORS og VETURS...þetta er leiðindatímabil sem einkennist af því að veðrið getur ekki ákveðið sig hvort það eigi að vera gott eða vont, sem þýðir að það er rigning, sól, rok, slydda, hagl og blíða til skiptis og stundum allt í bland! algerlega óútreiknanlegt! fór til dæmis út í opnun skóm og á peysunni í morgun í blíðu og sól í skólann en kom svo út í hagl og rok eftir skóla (fór aðeins í einn tíma)!!

en já, þetta leiðinda millibilsástand verður vonandi ekki lengi...vonum að vorið með grænkandi gras og tré fari að koma....ég get allavegana ekki beðið þar til ég geng út úr síðasta prófinu og tek allt í einu eftir því að allt er orðið grænt og fallegt!! SUMAR!!!

Jæja, back to the books....

Anna María

Þessu mistuð þið af!!!!!

2007-04-08T17:35:00.000Z

Sjáið þennan......hvern haldið þið að hann sé að leika?????
(þið sem voruð í bústaðnum megið ekki svara)

Partý Partý

2007-04-03T17:35:00.000Z

Ykkur er boðið í partý á föstudaginn langa 6. apríl að Neshaga 8 um kl 21

Hlakka til að sjá ykkur öll í góðu stuði

Kveðja
Anna María

Bústaður

2007-04-01T19:30:00.000Z

Það þarf að fara að negla niður tímasetningu á þessa bústaðarferð.....Það er bannað að humma þangað til þessu verður aflýst.

Erfið en góð vika að baki

2007-03-30T13:27:00.000Z

Jæja kominn tími á nýja færslu...er búin að vera að bíða og bíða eftir nýrri en enginn hefur gert neitt...svo ég tók þetta að mér! Var að koma úr skólanum þar sem ég var að halda 30% fyrirlestur í ónæmisfræði Takk fyrir takk!! ég er búin að vera stressuð yfir þessu núna í næstum tvær vikur því þeir nemendur sem voru búnir að halda sinn fyrirlestur á undan mér voru pumpaðir og pumpaðir ekki bara úr efni greinarinnar sem þau heldu fyrirlesturinn úr heldur einnig um almenna þekkingu á námsefninu SHIT, ég sem er NÝbúin að taka bókina mína úr plastinu og ekki lesa einn staf í henni! En allt gekk vel í dag, enda eyddi ég síðustu tveim vikum bara í þetta! Greyjið mamma og pabbi þurftu að hlusta á rausið í mér um IL-4, IL-5, IL-10, IL-12 og CD4+ T frumur og naive frumur, IFN gamma, NF-kappa beta og margt fleira, en það skilaði sér í dag og ég er ekki frá því að kennarinn hafi bara verið nokkuð sáttur við mig, enda svaraði ég öllum spurningunum hans og upp hófst mikið umræða okkar á milli og hinir nemendurnir vissu ekkert hvað var í gangi!

Svo ég get farið nokkuð sátt í þessa helgi og komandi páskafrí enda leiðinleg en velheppnuð vika að baki þar sem ég flutti einn annan fyrirlestur fyrr í vikunni og kennarinn hrósaði mér fyrir mikinn skilning :) og ég skilaði Thailandsritgerðinni minni um Macaca nemestrina apakettina hressu! Svo þrátt fyrir einmanalega afmælishelgi framundan er ég sátt...

Svo er ég að fara að vinna síðasta daginn minn í Knickerbox núna kl 15!! ótrúlegt að ég sé búin að vinna þarna í 4 ár!! Það sem verða kannski mestu viðbrigðin er að ég þarf að borga FULLT verð fyrir nærfötin mín í framtíðinni!! ó mæ! ég er svo vön að eiga alltaf yfirdrifið nóg af nýjum nærfötum...þetta verður erfitt

Kveðja
Anna María

Gamlir góðir tímar...

2007-03-25T21:59:00.000Z

alltaf gaman að rifja upp...

fór þetta of langt eða gera vinir bara svona?

Kveðja
Anna María

Hvaða rósir gerir ofurbloggarinn Kári í sinni fyrstu færslu?

2007-03-23T12:30:00.000Z

Ég er alla vega blaut á milli brjóstanna.

ég er orðin spennt!!!

2007-03-21T23:29:00.000Z

Sælinú!

langaði aðeins að tjá mig um það hvað ég er orðin hrikalega spennt fyrir svaðilförinni minni sem ég fer í eftir tvo mánuði!! Er búin að fara í allar bólusetningarnar og er líka eins og gangandi nálapúði....svo þarf ég að taka malaríutöflur allan tímann þarna og éta ofnæmislyf bara til öryggis...ætli ég þurfi svo ekki að taka e-r lyf til að hafa stjórn á maganum og öllu í því kerfi þar sem ég mun borða AAALLT öðruvísi mat en ég er vön...úff og þið sem þekkið mig vitið að það er ekkert auðvelt að koma hverju sem er upp í mig! Ætli ég eigi ekki eftir að lifa á hrísgrjónum og ávöxtum...þeim sem ég þori að borða!
Anyways...langaði líka að segja ykkur frá því nýjasta sem ég var að ákveða að gera þarna úti og það er að fara í búddamusteri þar sem munkar ala upp tígrisdýr...

http://www.tigertemple.org/Eng/index.php

Jams...annars eru það bara fjallgöngur í frumskógum og leðjuskógum, fílareið og kóralskoðun....svo síðustu vikuna er afslöppun á einhverri af eyjunum á þessari síðu

http://www.phuket.com/islands/index.htm

annars erum við líka að vinna í því að kíkja yfir til Kambódíu...ekkert ákveðið samt!
Annars er ég orðin of spennt! Takk fyrir að hlusta...varð að koma þessu af mér :)

Kveðja
Anna María

nokkrar myndir.

2007-03-20T16:05:00.000Z

Jæja Brynjar...ask and you shall recieve. Ekki tók ég margar myndir um laugardagskvöldið og ótrúlegt að þessar fáar myndir sem voru teknar eru flestar ansalegar myndir af mér að dansa...en hérna eru nokkrar skemmtilegar af okkur.

....Eilíft líf

2007-03-19T23:03:00.000Z

Ég er bara nokkuð ánægður með þessa breytingu á síðunni. Sú gamla var orðin nokkuð þreytt. Þó að ég kunni lítið á þetta kerfi þá lærist það vonandi fljótt.

Nýtt líf

2007-03-19T18:18:00.001Z

Jæja elsku vinir...komin ný síða...nýtt líf!

Vona að allir sem hafa aðgang hér verði öflugir á komandi tímum..... :)
Þeir sem eru með aðgang eru: Anna María, Eva, Stína, Binni, Andri og Kári! Bætum fleirum við ef þeir bæta sig :)

Andri og lyklaborðið í dirty dansi

Kveðja
Anna María